Tiempos de ilusión

1985ean, ia 13 urte dituen Vincent Paris kanpoaldean bizi da, klase ertaineko bere familiarekin; egoera zailean harrapatuta dago, batetik, kasurik egiten ez dion anaia zaharrago baten eta, bestetik, etengabe eztabaidan ari diren gurasoen artean. Haurra ez den arren, oraindik heldu ere ez da; Vincent bizitzako galdera handiei aurre egiten saiatzen da —nortasuna, adiskidetasuna, familia, lehen maitasunak—, eta galdetzen dio bere buruari zergatik dirudien helduek ez dutela horietako bat bera ere argitu. ‘Intocable’ eta ‘Samba’ bezalako film arrakastatsuen (bai kritikaren aldetik, bai leihatilan) ondoren, Olivier Nakachek eta Éric Toledanok beren ibilbideko lanik pertsonalena aurkezten dute. 80ko hamarkadaren erdialdeko Paris inguruetan girotutako komedia dramatiko honek egileen nerabezaro propioa du oinarri, haurtzarotik helduarorako trantsizioari buruzko istorio bat osatzeko; gizatasunez, umorez eta emozioz betetako istorioa, hain zuzen ere.